ئەڤ بەرهەم ژ (٣٦) دیوان و مەولوودنامەیان پێکهاتيیە، ڤەهاندنا تەڤایا ئەڤان ديوانان ژبۆ چەرخێ بیستێ یێ زایینی ڤەدگەڕن. زۆربەيا ئەڤان بەرهەمان ب زمانێ کوردی و چەندەک ب زمانێن عەرەبی و فارسینە. زۆربەيا ئەان ب شێوازێ کلاسیکا نوی و د ناڤ کێمەك ژ ئەواندا هەلبەستێن نویخواز هاتینەڤەهاندن. ئەڤ بەرهەمە بۆ جارا ئێکێنە دهێنە چاپكرن و بەلاڤکرن و دکەڤنە بەردەستێ حەزژێکەرێن زمان و وێژەيا كوردى. ئەڤ بەرهەمێن هە خودان چەندین تایبەتمەندینە ژ ئەوان ژى: ب دەڤۆکا جوداجودایێن دەڤەرا بەهدینان وەک زاخۆ ، ئامیدی، ئاکرێ…هتد هاتينه ڤەهاندن. يا دوویێ ب شێوەیەکێ پێدڤی ئاماژە ب ژیانامەیا هەلبەستڤانی دايه و ل دووماهييێ گرنگترین خالێن گرێداى ب هەر بەرهەمەکیڤە هاتیە کرن. بەرهەڤکرن و بەلاڤکرنا ئەڤان بەرهەمان دێ دەولەمەندييەكا مەزن کەڤیتە دناڤ ئەدەبیاتا کوردیدا ب تايبەت د دەڤەرا بەهدیناندا.
No comment