ئەڤرۆ ڕۆژا چارشەمبی ڕێکەفتی (٢٠٢٢/١٠/٥) سەنتەرێ زاخۆ بۆ ڤەکۆلینێن کوردی ل زانکۆیا زاخۆ، پێشوازی ل هوزانڤانێ کورد و نشتیمانپەروەر (مؤيد طيب) کر، ب مەرەما پێشکێشکرنا سمینارەکێ بۆ قوتابیێن زانکۆیا زاخۆ، هەژی گوتنێ یە سمینار ب ئامادەبوونا هژمارەکا زۆرا ماموستا و فەرمانبەر و قوتابیان هاتە پێشکێشکرن و هوزانڤانی سمینارا خۆ لژێر ناڤونیشانێ (ئەزموونا وی یا هوزانێ) دەستپێکر و ب درێژی باس ل چاوانیا نڤیسینا هوزانێ و سەربورا خۆ دگەل هوزانێ کر، هەروەسا بابەتێن گرنگ ل سەر زمانێ هوزانێ و زمانێ ڕۆژانە و جوداهی دناڤبەرا واندا کر، ل دوماهیێ دەرگەهێ پرسیارکرنێ بۆ ئامادەبوویان هاتە ڤەکرن و دانوستاندن ل سەر بابەتی هاتە کرن، پاشان ژ ئالیێ سەنتەرێ ناڤبری ڕێز ل خەباتا هوزانڤانی هاتە گرتن و خەلاتکرن.
ی کر){kind=link}
هیچ کۆمێنتەك نینە