ئه‌ز ( حسین عثمان عبدالرحمن عثمان )، ژ دایك بوویێ ( 1977.9.2 ) ل وه‌لاتێ (كۆمارا ئیسلامیا ئیران)ێ و ل باژێرێ (كه‌رمان)م.
خواندنا من یا سه‌ره‌تایى ژ ( 83 19 هه‌تا 88 19 ) ل قوتابخانا ( سید محمود گالقانى )، و خواندنا ناڤه‌ندى ژ ( 88 19هه‌تا 91 19 ) ژى ل قوتابخانا ( شهید محمد رئوف ) و ئاماده‌یى ژ ( 91 19هه‌تا 95 19 ) ژى ل ئاماده‌ییا ( ازادگان اسلام ) ل باژێرێ ( نه‌قه‌دێ ) ل ڕۆژهه‌لاتێ كوردستانێ، ب دویماهیك هینایه‌.
ل سالا ( 1997 )ێ ل زانكۆیا (دهوك)ێ، پشكا زمانێ كوردى ل كولیژا ئادابێ هاتمه‌ وه‌رگرتن و ئه‌ڤ چوار ساله‌_ 1997 هه‌تا 2001 _ ژى ب سه‌ربلندى و وه‌ك ده‌رچوویێ ئێكێ، ب دویماهیك هینا. د هه‌مان سالدا، واته‌ ( 2001 )ێ وه‌ك ( هاریكارێ ڤه‌كوله‌ر )ى ل زانكویا دهوك و وه‌ك گرێبه‌ست، من ده‌ست ب كارێ خوه‌ یێ زانستى كرییه‌ و وه‌ك ماموستا ل كولیژا (ئادابێ)، پشكا زمانێ كوردى وانا ( زمان و ئه‌ده‌بێ فارسى) بۆقوتابیێن قۆناغا چارێ گووتیه‌ و هه‌روه‌سا ل كۆلیژا (زانست) و بو هه‌ر پێنج پشكێن زانستیێن وێ، وانا (كوردۆلوژى) بۆ قوتابیێن قوناغا ئێكێ گووتیه‌.
و ل سالا ( 2005 هه‌تا 2007 )ێ مژویلى خواندنا بلند بوویمه‌ و ماسته‌ر ب ئه‌ده‌بێ كوردى وه‌رگرتیه‌.
ل سالا 2009 ێ هاتمه‌ كولیژا په‌روه‌ردا زاخۆ و وه‌ك بڕیارده‌رێ پشكێ مژویلى خزمه‌تێ بووم و ل دویڤدا و ل سالا (2010 هه‌تا 2014)ێ وه‌ك قوتابیێ دكتورایێ ل زانكویا سۆران هاتمه‌ وه‌رگرتن و ل سالا 2014 وه‌ك بسپۆرێ ڕه‌خنێ، پلا دكتورایێ وه‌رگرتیه‌.
ل سالا (2011 _ 2012 )ێ بوویمه‌ ڕێڤه‌به‌رێ ڕاگه‌هاندنا سه‌رۆكاتیا زانكۆیا زاخۆ . هه‌ر ل سالا ( 2011 )ێ، وه‌ك ئه‌ندامێ نڤیسه‌رێن گۆڤارا (ڕووگه‌ه) هه‌روه‌سا د هه‌مان سالدا وه‌ك سه‌رنڤیسه‌رێ گۆڤارا (ڕووگه‌ه) و ل سالا (2012) سه‌رنڤیسه‌رێ گۆڤارێن (ڕووگه‌ه) و (ڕووگه‌ها زارۆكان) مژویلى كارێن ڕه‌وشه‌نبیرى بوویمه‌.
ماسته‌رناما من ل ژێر ناڤێ ( ڕۆلێ پاردۆكسێ د پێكهاتا وێنێ هوزانێدا ) و هه‌روه‌سا ناما دكتورایێ ل ژێر ناڤێ ( خواندنه‌كا هێرمینۆتیكى بو قه‌سیدا ( هێ دبه‌ر قالوا: بلى یێ ) یا مه‌لایێ جزیرى ) بووینه‌ و وه‌ك په‌رتوك ژى هاتینه‌ چاپكرن.
ل سالا ( 2011 ) پلا زانستیا من ژ ماموستایێ هاریكار بوویه‌ ماموستا و ل سالا ( 2014 ) ژى ژ پلا ماموستا بۆ پرۆفیسۆرێ هاریكار هاتیه‌ گۆهارتن.
ژ ( 2013 ) هه‌تا نهو ئه‌ندامێ لژنا زانستى و خواندنا بلندم ل سه‌رۆكاتیا پشكا زمانێ كوردى/ زانكۆیا زاخۆ و پشكدارى چه‌ندین كور و سمینار و وۆركشۆپێن زانستى بوویمه‌ و وه‌ك ئه‌ندام و سه‌رۆكێن به‌ریكانێن چیرۆك و هوزانخواندن و نڤیسینێ بوویمه‌.
وه‌ك وانه‌بێژێ به‌كالۆریۆس، هه‌ر ژ سالا ( 2001 ) هه‌تا نهو، ل زانكۆیێن (دهوك، زاخۆ و نه‌وروز) وانه‌یێن (زمان و ئه‌ده‌بێ فارسى، كوردۆلۆژى، كێش و سه‌روا، ئه‌ده‌بێ كه‌ڤن، ئه‌ده‌بێ نوى، ڕێبازێن ڤه‌كۆلینێ، دان و ستاندن، ڕێبازێن ئه‌ده‌بێ، ڕه‌خنا پراكتیكى) گووتینه‌ و وه‌ك وانه‌بێژ و سه‌رپه‌رشتێ قوتابیێن ماسته‌رێ، مژویلى ئه‌ركێ زانستى بوویمه‌ و هه‌تا نهو ب ده‌هان ڤه‌كولینێن زانستى و ڕه‌وشه‌نبیرى ل ڕۆژنامه‌ و گوڤارێن ئاسایى و زانستى به‌لاڤكرینه‌.
ل سالا ( 2014 – 2018 ) سه‌رۆكێ پشكا زمانێ كوردی ل زانكۆیا زاخۆ بوویمه‌.
ل سالا ( 2016 – 2018 ) سه‌رۆكێ پشكا زمانێ كوردى/ خواندنا ئێڤاران ل زانكۆیا زاخۆ بوویمه‌.
نهو ژى ئه‌ندامێ (سه‌نته‌رێ زاخۆ بۆ ڤه‌كۆلینێن كوردى)مه‌.