ئەڤ پەرتووکە هەڤتێکستی ژ ڤەرێژا هزرا رۆژئاڤا یا نوی پەیدابوویە، جهەك و دیتنەکا تایبەت دەربارەی رەخنە و ئەدەبی هەیە. هەڤتێکستی ب تێگەهێ خۆڤە زاراڤەکێ رەخنەیی یێ نوییە. هەڤتێکستی دبیتە هەمبێزکرن و وەرگرتن و بکارئینانا تێکستێن پێشین یان سەردەم و بکارئینان د ناڤ تێکستێ نوی ئافراندیدا. ئەڤ تێکەلکرنە ب شێوەکێ ئاسایی نابیت، بەلکو یا پێدڤی ب میکانیزمەك و تەکنیکەکا گونجایە د تێکەلکرنا واندا ب مەرەما هندێ کو نەبنە نارگرانی و درێژکرنا تێکستێ هوزانێ یێ نوی، بەلکو رۆلێ پێکڤەگرێدانێ و بەرفرەهکرنا دەلالەتێ و بەخشینا ئیستاتیکایێ بکێریت.