ئەڤ پەرتووکە باغێ ئیرەمێ شعرا کوردی ، ب هنەك گول و کولیلکێن دی خەملییە، بێتر بەر ب کەملینێ ڤە چوویە. ب باغێ ئیرەمێ بهێن و رەنگ و دەنگێ کورمانجییا کلاسیك بلندتر تێتە سەهکرن  و ئەڤ ئەدەبیاتا خوەدییێ مەرجێن دژوار، هندەکی دن، ژ ناڤا بەرفێ سەرێ خوە راکریە. ئەم ب ڤێ بەرهەمێ هایدار دبن کو (٣٤) شاعرێن کلاسیك ئێن کورمانجی ل لیستەیا شاعرێن کلاسیکێن کورمانج زێدە بوو. هەتا نها بەلکی ل تو دەرێ ئەڤ شاعر نەدهاتن زانین. دەریەك ڤە بوو ل بەر لێکۆلەرێن ڤێ قادێ. باغێ ئیرەم بوو مفتەبەك، دا کو گەلەك دەریێن دن ل ڤێ بوارێ بێ ڤەکرن.