پشکێن سەنتەری

پشکێن سەنتەری خواندن و ڤەکولین ڕۆژنامەگەری وەرگێران

ل سەر بناخەیێ وان کارێن دکەڤنە سەر ملێ ئەڤى سەنتەرێ زانستى، سەنتەر دێ ڤان پشکان ب خوڤە گریت :

خواندن و ڤەکولین :

         ژ کارێن سەرەکیێن سەنتەرێ زاخو ئەنجامدانا ڤەکولینێن زانستیێن رێک و پێک و بنەجهـ لسەر دیروکا نوو و هەڤچەرخ یا کوردان و پشکنینا ژێدەر و بەلگەنامەیێن بەحسێ دیروکا کوردان دکەن، هەروەسا ژ کارێن ڤێ پشکێ دیڤچوونا سیاسەتا وان دەولەتان ئەوێن خاکێ کوردستانێ دکەڤیتە د سنورێن واندا .

روژنامەگەریا تورکى وعەربى وفارسى و جیهانى :

         پشکا رۆژنامەگەریا تورکى وعەربى وفارسى و جیهانى ئێک ژ پشکێن سەنتەرێ زاخویە، و ئەڤ پشکە ب رەنگەکێ راستەوخو گرنگیێ ددەتە گوتار و ڤەکولین و دەنگو باسێن لسەر کوردان ئەوێن دناڤ رۆژنامەڤانیا واندا بەلاڤ دبن. و ئەڤ پشکە دێ کومەکا روژناما دەستنیشان کەت و دێ تێدا هەر تشتەکێ گرێداى ب کوردانڤە کومکەت و وەڕگێریت بو سەر زمانێ کوردى یان عەرەبى داکو ناڤەروکا وان بو هەمیان بەرچاڤ ببیت. و رۆژانە ئەڤ بابەتە دهێتە گەنگەشەکرن و شروڤەکرن و راپورتەک ل سەر هێتە نڤیسین و ل دووماهیا هەیڤێ دێ راپورتەک ل سەر گرنگترین تەوەرێن روژنامەگەریى ئەوێن کوردان کرینە جهێ پویتەدانێ هێنە ئامادەکرن.

وەرگێران :

         گرنگیا ڤێ پشکێ ژ پشکێن دى کێمتر نینە، و کارێ سەرەکیێ ڤێ پشکێ وەرگێڕانا هەر تشتەکێ یە ب زمانێن تورکى، ئینگلیزى، فەرەنسى و روسى یان هەر زمانەکێ دى ل سەر کوردان هاتبیتە نڤیسین، چونکە ب سەدان ڤەکولین و خواندن پەرتوکێن مێژوویى ب زمانێن جودا جودا هاتینە نڤێسین کو هەتا نوکە کوردان ئاگەهـ ژێ نینە، هەروەسا هندەک راپورتێن رۆژانە هەبوون کو حکومەتێن روژئاڤا و رێکخراوێن جیهانى لسەر کوردان دەردکرن و ئەڤ راپورتە گرێداینە ب کاروبارێن ژیانێ ل کوردستانا عیراقێ و مافێ مرۆڤان و هەلبژارتن و دیموکراتى و بابەتێن ژڤان رەنگان، لەوڕا گەلەک گرنگە کو وێنەیێ کوردان دناڤ رۆژناماندا بو مە ئاشکەرا ببیت و بزانین ئەو چەوا مە دناسن و ئەڤ پەرتوک و بەلگەنامە و راپورتە بو سەر زمانێن کوردى و عەرەبى بهێنە ڤەگوهاستن.

ژ کارێن گرنگ راپورتا سالانەیا سەنتەرێ زاخو کونفرانس پەرتوکخانە

زێدەبارى ئەڤا بورى هندەک کارێن گرنگێن دى هەنە کو سەنتەرێ زاخو دێ پێ رابیت ژ وان :

راپورتا سالانەیا سەنتەرێ زاخو :

         ئێک ژ گرنگترین کار و ئارمانجێن ڤى سەنتەرى نڤێسینا راپورتەکا سالانە سەبارەت سیاسەتا هەرێمى نەخاسمە (تورکیا، عیراقى، ئیرانێ، سوریا) یى ل هەمبەر کوردان و پاشەروژا پەیوەندیا نەتەوە و دەولەتێن کورد لسەر هتینە پارچەکرن، و ئەڤ راپورتە دێ پوختە و کورتیا وان ئەنجامان بیت ئەوێن سەنتەر گەهشتیێ، و ئەڤ ئەنجامە ب پشتبەستن ل سەر خواندن و ڤەکولینان دهێتە دارشتن، هەروەسا دێ ڤەڕێژا وان گوتارا راپورتان بیت ئەوێن د روژنامەیێن روژهەلاتا ناڤەراست و جیهانیدا سەبارت کوردان هاتینە نڤیسین، هەرەسا ئەو بابەتێن ژ زمانێن بیانى هاتینە وەرگێڕان، و دەمێ ئەم تەماشەى سەنتەرێن ب ناڤودەنگێن جیهانى دکەین دێ بینین کو وان هەمیان راپورتێن خو یێن سالانە هەنە کو کارتێکرنێ د پاشەڕوژا سیاسەتا دەولەتێن خودا دکەن و حکومەتێن ڤان دەولەتان نەشێن پێشنیارێن وان سەنتەران بدەنە لایەکێ و پشتگوهڤە باڤێژن، و ئەڤ راپورتە پشکداریێ ددانانا سیاسەت و ئابورا وەلاتیدا دکەن.

کونفرانس :

         ئێک ژ کارێن گرنگێن سەنتەرێ زاخو دێ ئەنجامدانا کونفرانسێن سالانە بیت سەبارەت ئێک ژ پرسێن گرنگێن مێژوویا کوردان د سیاسەتا دەولەتێن جیران و دەولەتێن مەزن ل هەمبەرى وێ، و گرنگترین کێشەیێن دکەڤنە د رێکا وێدا، و باشترین رێکێن چارەکرنێ، چونکە هەر کەسەک گرنگیا گرێدانا کونفرانسان دزانیت و ئەڤە ئێک ژ بەرچاڤترین روویێن زانستیێن سەنتەرێ ڤەکولینان ب تایبەتى و زانکویان ب گشتى یە، و دڤان کونفرانسێن زانستى دا گەلەک بابەتێن زانستى دهێتە گەنگەشەکرن و گەلەک لایێن تارى و بەرزە ل دەف تایبەتمەندان خویا و ئاشکرا دبن. هەروەسا هەڤنیاسى دناڤبەرا ماموستایاندا پەیدا دبیت و راوەرگرتن و دانوستاندن ل سەر ڤان کێشەیان دناڤبەرا واندا پەیدا دبیت.

پەرتوکخانە :

         سیاسەتەکا دى یا سەنتەرى دامەزراندنا پەرتوکخانەیەکا مەزنە کو تەنها پەرتوکێن گرێداى ب دیروکا کوردان و کێشەیا نەتەوەییا کوردان ب زمانێن بیانى نەخاسمە ئینگلیزى، فەرەنسى و تورکى ب خوڤە بگریت، چونکە دیروکا کوردان و سیاسەتا نێڤدەولەتى ل هەمبەر وان د دەروازەیا ڤان زمانان را دەرباس دبیت، و بێ گومان کەسێ کورد دڤێت ئاگەهدارى ناڤەروکا وان بیت، چونکە ئەڤ پەرتوکە بەحسێ ژیان و دیروکا وان و رێڕەوا سیاسەتا دەولەتێن هەڤسوویێن کوردستانێ ل هەمبەر کوردان دکەن، هەروەسا سەنتەر دێ هەمى هەولێن خو دەت کو ئەڤێ پەرتوکخانەیێ بکەتە رووگەها قوتابى و ڤەکولەران نە بتنێ ل دەڤەرا بەهدینان و هەرێما کوردستانێ بەلکو بو سەرانسەرى عیراق و وەلاتێن هەڤسوو ژى.

library-100616524-large

بەلاڤ بکە :

Share on facebook
Facebook
Share on twitter
Twitter
Share on google
Google+
Share on email
Email
preloader